تہران /واشنگٹن (این این آئی) امریکا نے اقوام متحدہ کی جنرل اسمبلی اجلاس میں شرکت کے لیے ایرانی صدر حسن روحانی اور وزیر خارجہ کو ویزا جاری کر دیا۔غیرملکی خبررساں ادارے کے مطابق ایرانی وزارت خارجہ کے ترجمان نے کہاکہ امریکا نے ایرانی صدر حسن روحانی اور
وزیر خارجہ جواد ظریف کو آئندہ ہفتے نیویارک میں ہونیوالے اقوام متحدہ کی جنرل اسمبلی کے اجلاس میں شرکت کے لیے ویزے جاری کر دیئے ہیں۔ایرانی مشن برائے اقوام متحدہ کے ترجمان کا کہناتھا کہ ایرانی وزیر خارجہ جواد ظریف اور صدر حسن روحانی پیر کو نیویارک پہنچیں گے۔
