واشنگٹن(این این آئی)امریکا کی حمایت یافتہ کْرد فورسز سے شام میں ممکنہ شکست کے بعد داعش نے دنیا بھر میں موجود اپنے حمایتی جنگجوؤں سے حملے کرنے کا مطالبہ کیا ہے۔غیرملکی خبررساں ادارے کے مطابق داعش کی جانب سے سوشل میڈیا پر جاری کیے گئے ایک آڈیو پیغام میں کہا گیا کہ مشرقی شامی شہر

باغہوز میں دشمن خواتین، مرد اور بچوں کو نشانہ بنا رہے ہیں لہٰذا یورپ اور دنیا بھر کے مسلمان اپنے دین کے لیے اس کا بدلہ لیں۔ قبل ازیں سیریئن ڈیموکریٹک فورسز کی جانب سے بتایا گیا تھا کہ باغہوز میں داعش کے جنگجوؤں کی ایک بڑی تعداد نے اپنے اہل خانہ کے ہمراہ خود کو فورسز کے حوالے کر دیا ہے۔

موضوعات:داعش