کوئٹہ۔۔۔۔کوئٹہ میں ایڈیشنل سیشن جج لورالائی پر پولیس تشدد کے خلاف بلوچستان بار ایسوسی ایشن کی اپیل پر وکلانے عدالتی کارروائی کا بائیکاٹ کیا۔ کوئٹہ میں گزشتہ روز سائنس کالج پرنس روڈ چوک پر تین پولیس اہلکاروں نے ایڈیشنل سیشن جج لورالائی ارباب ریاض کاسی کو تلخ کلامی کے بعد تشدد کا نشانہ بنایا تھا جس سے ارباب ریاض زخمی ہو گئے تھے ۔ پولیس کے نامناسب رویئے کے خلاف بلوچستان بار ایسوسی ایشن نے کوئٹہ سمیت صوبہ بھر میں آج عدالتوں کے بائیکاٹ کا اعلان کیا گیا تھا جس سے کوئٹہ میں ہائی سیشن و ڈسٹرکٹ کورٹس میں وکلا پیش نہیں ہو ئے۔