گوجرانوالہ……. چیئرمین تحریک انصاف عمران خان نے کہا ہے کہ محرم کےبعد ہر شہر میں دو دو جلسے ہوں گے، تحریک انصاف چاہتی ہےکہ مائیں، بہنیں، بیٹیاں بھی نئےپاکستان میں حصہ لیں، مولانافضل الرحمان نےدھرنےکی خواتین پرجوبات کی اس سےدل دکھا، ان پرخودکش حملےکاافسوس ہے، نوازشریف اورانکےپرائیوٹ سیکریٹری خورشیدشاہ کسی خوش فہمی میں نہ رہیں، ڈاکٹرطاہرالقادری اورہمارےمقاصدالگ الگ تھے، ڈاکٹرطاہرالقادری ماڈل ٹاؤن کاانصاف لینےکیلئےآئےتھے۔ گجرانوالہ میں پی ٹی آئی کے جلسے سے خطاب کرتے ہوئے عمران خان نے کہا کہ میں نےپہلےہی کہاتھاکہ انتخابات میں دھاندلی پرانصاف نہ ملاتوسڑکوں پرآؤنگا، عوامی تحریک کےکارکنوں نےنوازشریف کےگلوبٹوں سےمقابلہ کیا، نوازشریف کےگلوبٹوں نےدھرنےمیں شریک لوگوں کوماراپیٹا، یہ نواز شریف کےگلوبٹ تھےجنھوں نےدہشتگردی کی، ڈاکٹرطاہرالقادری کےلوگوں نے گلوبٹوں کامقابلہ کیا۔ عمران خان نے کہا کہ اپنی آنکھوں سےاسلام آبادمیں پولیس کاشہریوں کیخلاف استعمال دیکھا، جب تک زندہ ہوں استعفےکےلیےبیٹھارہوں گا، آخری گیندتک مقابلہ کرتاتھا،ہارنہیں مانتاتھا،جویہ سمجھتےہیں میں دھرناچھوڑدوں گاوہ مجھےنہیں جانتے، مجھےمعلوم تھاکہ عوام ظلم کےخلاف نکلیں گے، لوگ اب سمجھ چکےہیں کہ تبدیلی کاوقت آگیاہے، لائٹس اورساؤنڈکیلئےپیساختم ہواتوٹینٹ میں رہونگالیکن دھرناختم نہیں کرونگا، لوگ ساتھ چھوڑگئےتواکیلابیٹھوں گا۔ انہوں نے کہا کہ آصف زرداری نےبھی پوچھاکہ عمران خان کےپاس پیساکہاں سےآیا؟ میرےپاس ایسےپیسانہیں آتاجیسےآصف زرداری کےپاس آتاہے، عوام کےلیےپیسےلوں گاتوعوام پر ہی خرچ کروں گا، زرداری صاحب یہ پیساکرپشن کانہیں ہے،یہ پیساعوام دیتی ہے، قوم تیارہو،پُرامن احتجاج کرینگے،دھرنےاورجلسےچلتےرہیں گے۔ عمران خان نے کہا کہ(ن)لیگ اورپیپلزپارٹی کی طرح سرمایہ داروں سےپیسالیاتوان کیلئےکام کرناپڑےگا، ہم نےصرف4حلقوں میں ووٹوں کی گنتی کاکہاتوڈیڑھ سال تک نہیں کرائےگئے، گونوازشریف گوکامطلب ان کا نظام بھی لپیٹناچاہتےہیں، ڈیڑھ سال ہوگیامیرےحلقےاین اے122میں مجھےانصاف نہیں ملا۔