پنجاب کابینہ میں تبدیلیاں رانا مشہود سے وزارت قانون کا قلمدان واپس
لاہور: پنجاب کے وزیر قانون رانا مشہود احمد خان سے وزارت کا قلمدان واپس لے لیا گیا تا ہم کھیل اور تعلیم کے محکمے رانا مشہود کے پاس ہی رہیں گے۔ اس حوالے سے نوٹیفیکشن جاری کر دیا گیا۔ صوبائی وزیر مجتبیٰ شجاع الرحمن کو وزارت قانون کا اضافی چارج دیدیا گیا۔ محکمہ داخلہ کا چارج کرنل شجاع خانزادہ کو دیا گیا ہے۔ ذرائع نے بتایا ہے کہ کابینہ میں ہونے والی تبدیلیوں کے پیش نظر رانا ثنااللہ کو دوبارہ وزیر قانون بنائے جانے کا امکان ہے۔