ممبئی (این این آئی) بالی ووڈ اداکارہ راکھی ساونت نے پاکستانی اداکار دودی خان کی شادی کی پیش کش قبول کرلی۔دودی خان نے انسٹاگرام پر مختصر ویڈیو پیغام جاری کرتے ہوئے راکھی ساونت سے محبت کا اظہار کرتے ہوئے کہا کہ شادی کیلئے بارات کہاں لانی ہے؟دبئی یا بھارت ؟۔

راکھی ساونت نے بھارتی میڈیا کو جاری آڈیو پیغام میں بتایا کہ انہیں پاکستانی اداکار اور پولیس افسر دودی خان نے شادی کی پیش کش کی ہے۔انہوں نے پاکستان سے شادی کی پیش کش کو اپنے لئے اچھا رشتہ قرار دیتے ہوئے کہا کہ میں دودی خان سے شادی کروں گی۔ انہوں نے کہا کہ دودی خان اور میری شادی پاکستان میں ہوگی اور اسلامی روایات کے مطابق ہوگی۔اداکارہ نے کہا کہ ہمارا ہنی مون یورپی ملک سوئٹزرلینڈ ہوگا جبکہ میں مستقل بنیادوں پر دبئی میں ہی رہائش پذیر ہوں گی۔