لاہور( این این آئی)ہنی ٹریپ اور اغوا ء برائے تاوان کیس میں خلیل الرحمان قمر نے مرکزی ملزمہ آمنہ عروج کے 8شریک ملزمان کو شناخت کرلیا جبکہ آمنہ عروج کی چھوٹی بہن مریم شہزادی اور دوست شمائل کو شناخت پریڈ میں ملزم قرار نہیں دیا گیا ۔
خلیل الرحمن قمر نے جیل میں ملزمان کوشناخت کیا، ملزم تنویر احمد، قیصر عباس، رشید احمد، فلک شیر، میاں خان ،جاوید اقبال، ذیشان قیوم اور معمون حیدر کی بھی شناخت ہوئی جبکہ ملزمہ آمنہ عروج کی بہن مریم اوراس کی دوست شمائل کوشناخت پریڈ میں ملزم قرار نہیں دیا گیا۔شناخت پریڈ میں شناخت ہونے والے ملزمان کو جسمانی ریمانڈ کے لیے لاہور کی انسداد دہشتگردی عدالت میں پیش کیا گیا۔ انسداد دہشتگردی کی خصوصی عدالت لاہور کے جج خالد ارشد نے ملزمان کا سات روزہ جسمانی ریمانڈ منظور کرلیا ۔
