ممبئی(این این آئی) بالی ووڈ اداکار رنویر سنگھ شادی کی چوتھی سالگرہ پر اپنی اہلیہ دیپیکا پڈوکون کے آفس پہنچ گئے۔رنویر سنگھ نے انسٹاگرام پر دیپیکا پڈوکون کے آفس کی تصویر شیئر کی جہاں وہ اپنی ٹیم کے ہمراہ کام میں مصروف تھیں۔اداکار نے بتایا کہ وہ شادی کی سالگرہ پر دیپیکا پڈوکون کو سرپرائز کرنے کے لیے آفس پہنچے ہیں۔اس موقع پر انہوں نے ایک گلدستہ اور چاکلیٹ سے بھرا باکس بطور تحفے کے دیپیکا کو پیش کیا۔اداکار نے اپنے مداحوں کو بتایا کہ بیوی خوش رکھنے کیلئے ضروری نہیں کہ اسے ڈائمنڈ دیے جائیں بلکہ چاکلیٹ اور پھول سے بھی یہ کام ہوسکتا ہے۔واضح رہے کہ دونوں اداکاروں نے 2018ء میں شادی کی تھی اور دونوں اکثر سوشل میڈیا پر ایک دوسرے کی تصاویر شیئر کرتے رہتے ہیں۔