لاہور( این این آئی)نامور اداکارہ ثناء کی نئی فلم ‘‘ چوہدری ‘‘24جون کو ریلیز کی جائے گی ۔لاج پروڈکشن کی فلم میں اداکارہ ثناء کے ساتھ یاسر حسین،ارباز خان،عدنان شاہ ٹیپو، جیا علی،نواز سعید،شمعون عباسی سمیت دیگر نے کردار نبھائے ہیں۔فلم کے ہدایتکار سجاد عظیم ہیں۔ اداکارہ ثناء نے فلم کے حوالے سے گفتگوکرتے ہوئے کہا کہ فلم کی کہانی حقیقت پر مبنی ایک واقعہ کو سامنے رکھتے ہوئے لکھی گئی ہے جو دیکھنے والوں کو اپنے سحر میں جکڑ لے گی ۔ انہوں نے کہا کہ تمام اداکاروںنے بھی اپنے کردار انتہائی خوبصورتی سے ادا کئے ہیں جو فلم کی کامیابی کی ضمانت بنیں گے۔