کراچی(این این آئی)کوئٹہ میں ہونے والے دھماکے کے بعد سندھ میں سیکیورٹی ہائی الرٹ رکھنے کے احکامات جاری کردئیے گئے۔وزیر داخلہ سندھ ضیا الحسن لنجار نے کوئٹہ میں دھماکے کی مذمت کی اور کہا ہے کہ بلوچستان حکومت کو ہر ممکن سپورٹ اور تعاون کا یقین دلاتا ہوں۔
ترجمان کے مطابق سندھ پولیس کو کوئٹہ حملے کے تناظر میں سیکیورٹی ہائی الرٹ رکھنے کے احکامات دے دئیے گئے ہیں۔ترجمان نے کہاکہ ضلعی سطح پر پولیس سیکیورٹی پلان پر عمل درآمد کو یقینی بنایا جائے۔وزیر داخلہ سندھ نے کہا کہ انٹیلی جینس کو بڑھایا جائے اور مشتبہ عناصر پر کڑی نگاہ رکھی جائے۔
