کراچی(این این آئی)ملکی معیشت کیلئے اچھی خبر، پاکستان کا کرنٹ اکائونٹ دو ماہ لگاتار سرپلس ریکارڈ ، کرنٹ اکائونٹ سرپلس 6 ماہ کی بلند ترین سطح پر پہنچ گیا۔اسٹیٹ بینک آف پاکستان کی جانب سے جاری اعداد وشمار کے مطابق ستمبر 2024 میں کرنٹ اکائونٹ 11 کروڑ 90 لاکھ ڈالر سرپلس ہوگیا،جو ستمبر 2023 میں کرنٹ اکائونٹ 21 کروڑ 80 لاکھ ڈالر خسارے میں تھا۔

اسٹیٹ بینک کے مطابق اگست میں ملکی کرنٹ اکائونٹ3کروڑ ڈالر سرپلس رہا تھا،ماہانہ بنیاد پر کرنٹ اکائونٹ سرپلس رقم میں 300 فیصد اضافہ ہوا، گزشتہ سال ملکی کرنٹ اکائونٹ 21 کروڑ 80 لاکھ ڈالر خسارے میں تھا، رواں مالی سال کی پہلی سہ ماہی میں کرنٹ اکائونٹ98ملین ڈالرمنفی رہا، سہ ماہی بنیادپرملکی کرنٹ اکائونٹ خسارے میں92فیصدکمی ہوئی۔ ماہرین کے مطابق برآمدات اورترسیلات زربڑھنے سے کرنٹ اکائونٹ سرپلس ہوا۔