شکر گڑھ(این این آئی)لانڈرہ پنڈوری میں جائیداد کیلئے بدبخت بیٹے نے ہتھوڑے مارکر باپ کو بیدردی سے قتل کردیا ، پولیس رپورٹ کے مطابق بیٹا اپنے باپ سے اپنے مرحوم بھائی کی بعد از مرگ ملازمت ملنے والی مراعات کا اپنے باپ کی جگہ خود گارڈین بننا چاہتا تھا ۔
بار بار اپنے باپ سے گارڈین شپ کی منتقلی کا مطالبہ کرتا تھا ،انکار پر ملزم نے باپ کو ہتھوڑے مار مار کر قتل کردیااور فرار ہوگیا ۔پولیس تھانہ صدر شکر گڑھ نے لاش پوسٹمارٹم کے لئے ٹی ایچ کیو ہسپتال منتقل کردی ، اور مقتول کی بہن کی مدعیت میں مقتول کے بیٹے کے خلاف قتل کا مقدمہ درج کرلیا ۔
