کراچی(این این آئی)عالمی و مقامی مارکیٹ میں جمعہ کو سونے کے نرخ بڑھ گئے۔عالمی بلین مارکیٹ میں سونا 7 ڈالر کے اضا فے سے 2461 ڈالر فی اونس کا ہوگیاجبکہ بین الاقوامی مارکیٹ میں سونے کے نرخ میں اضافے کے باعث مقامی سطح پربھی فی تولہ سونا 300 روپے کے اضافے سے 2 لاکھ57 ہزار 700 روپے کی بلند سطح پر جاپہنچا۔

اسی طرح دس گرام سونا 256 روپے کے اضافے سے 2 لاکھ 20 ہزار 936 روپے کا ہوگیا۔دریں اثنا چاندی کی فی تولہ قیمت 50 روپے کے اضافے سے 2900 روپے ہوگئی۔یاد رہے کہ جمعرات کو سونے کی فی تولہ قیمت میں 300 روپے کی کمی ریکارڈ کی گئی تھی۔