لاہور( این این آئی)ہونڈا کمپنی نے صارفین کی توجہ حاصل کرنے کیلئے سی ڈی 70 موٹر سائیکل کا نیا اسٹیکر متعارف کروا دیا ۔تفصیلات کے مطابق ہونڈا نے موٹر سائیکل انجن اور ڈیزائن میں کوئی تبدیلی نہیں کی تاہم نئے اسٹیکرز متعارف کروائے ہیں ، موٹر سائیکل تین مختلف رنگوں میں صارفین کو فروخت کیلئے پیش کی جارہی ہے جس میں سرخ، سیاہ اور نیلا رنگ شامل ہے ۔

ہونڈا سی ڈی 70 مارکیٹ میں ایک لاکھ 57 ہزار 900 روپے میں فروخت کی جارہی ہے ، کمپنی نے نئے ا سٹیکرز کے ساتھ موٹر سائیکل کی قیمت میں کوئی اضافہ نہیں کیا ہے ۔ہونڈا سی ڈی 70 میں 4 سٹروک او ایچ سی ایئر کولڈ انجن دیا گیاہے ۔