پشاور (این این آئی)خیبرپختونخوا حکومت کی جانب سے جائیداد کی خرید و فروخت پر ٹیکس میں ایک فیصد کی کمی کردی گئی ۔ تفصیلات کے مطابق محکمہ بلدیات خیبرپختونخوا کی جانب سے غیر منقولہ جائیداد پر ٹیکس میں کمی سے متعلق جاری نوٹیفکیشن میں کہا گیا ہے کہ غیر منقولہ پراپرٹی ٹیکس دو فیصد سے کم کرکے ایک فیصد کر دیا گیا ہے۔

نوٹیفیکیشن کے مطابق غیر منقولہ جائیداد کی ٹیکس میں کمی کا اطلاق رواں ماہ سے ہی ہوگا۔محکمہ بلدیات کے مطابق ٹیکس میں کمی کرنے کا مقصد جائیداد کی خرید و فروخت کا عمل بڑھانا ہے۔