لاہور( این این آئی)فیڈرل بورڈ آف ریونیو نے 5 لاکھ 6 ہزار سے زائد نان فائلرز افراد کی موبائل سمز بند کرنے کیلئے انکم ٹیکس جنرل آڈر جاری کر دیا۔ایف بی آر کے مطابق 5 لاکھ 6 ہزار سے زائد افراد کی موبائل فون سمز بند کرنے کیلئے نشاندہی کر لی، 5 لاکھ 6 ہزار سے زائد افراد کی آمدن انکم ٹیکس ریٹرن فائل کرنے کے قابل ہے۔

انکم ٹیکس جنرل آرڈر کے مطابق انکم ٹیکس ریٹرن فائل کرنے کے قابل ہونے کے باجود یہ افراد ریٹرن فائل نہیں کر رہے، یہ افراد ایف بی آر ایکٹو ٹیکس پیئر لسٹ میں شامل نہیں ہیں۔ایف بی آر کے مطابق انکم ٹیکس ریٹرن فائل نہ کرنے والوں کے موبائل فون کنکشنز کسی بھی وقت بند کئے جاسکتے ہیں، ایف بی آر نے بند کنکشنز کی پی ٹی اے سے 15 مئی تک رپورٹ طلب کر لی ہے۔