غیر ملکی سرمایہ کاروں نے رواں سال 214.7 ملین ڈالر کے منافع جات اپنے ممالک کو منتقل کئے،سٹیٹ بینک

  جمعہ‬‮ 27 ستمبر‬‮ 2019  |  13:50

اسلام آباد(آن لائن)رواں مالی سال کے ابتدائی دو ماہ کے دوران غیر ملکی سرمایہ کاری کی جانب سے منافع جات کی اپنے ممالک منتقلی میں 10.7 فیصد کمی ہوئی ہے۔سٹیٹ بینک آف پاکستان (ایس بی پی) کی رپورٹ کے مطابق جولائی اور اگست 2019ء کے دوران پاکستان میں سرمایہ کاری کرنے والے غیر ملکی سرمایہ کاروں نے 214.7 ملین ڈالر کے منافع جات اپنے اپنے ممالک منتقل کئے ہیں جبکہ جولائی اور اگست 2018ء کے دوران240.5 ملین ڈالر کے منافع جات وغیرہ کی منتقلی کی گئی تھی۔ اس طرح گزشتہ مالی سال کے مقابلہ میں رواں مالی سال کے پہلے دو


ماہ کے دوران غیر ملکی سرمایہ کاروں کی جانب سے منافع جات کی منتقلی میں 25.8 ملین ڈالر یعنی 10.7 فیصد کی کمی ریکارڈ کی گئی ہے۔

موضوعات:

loading...