لاہور(آئی این پی) سوئی ناردرن گیس کمپنی نے رواں سال سات ارب روپے کا منافع ہونے پر ملازمین کو ایک تنخواہ بطور بونس دینے کا اعلان کر دیا۔ سوئی ناردرن گیس کمپنی کی جانب سے ملازمین کو ایک تنخواہ بطور بونس دینے کا اعلان کیا گیا ہے،ذرائع نے بتایا کہ رواں مالی سال کے دوران

کمپنی کو سات ارب روپے کا منافع ہوا جس کے بعد ملازمین کو ایک اضافی تنخواہ دینے کا اعلان کیا گیا ہے ذرائع نے مزید بتایا کہ کمپنی کے چودہ ہزار ملازمین میں چالیس کروڑ روپے کی رقم تنخواہ کی مد میں تقسیم کی جا رہی ہے، دوسری جانب کمپنی افسران کو مذکورہ بونس نہیں دیا گیا۔