اسلام آباد(نیوزڈیسک).چیف جسٹس جواد ایس خواجہ اپنی مدت ملازمت مکمل ہونے پر آج رات عہدے سے سبکدوش ہو رہےہیں ۔ بطورچیف جسٹس 24 روز میں انہوں نےکئی اہم مقدمات کے فیصلے کیے اور ملکی تاریخ میں پہلی بار بطورچیف جسٹس مراعات لینے سے انکار کیا۔اردو کو دفتری زبان رائج کیاجائے، سابق چیئرمین نیب فصیح بخاری کےخلاف کارروائی کی جائے، صرف 24 روز کیلئےچیف جسٹس پاکستان کاعہدہ سنبھالنے والے جسٹس جوا د ایس خواجہ نے ان سمیت کئی اہم فیصلے کیے ۔ ڈی ایچ اے کے آڈٹ، پولیس اصلاحات کیس، دودوچہ ڈیم کی اراضی پر ڈی ایچ اے ویلی کی تعمیر کے خلاف اور اسلام آباد سمیت ملک بھر میں بلدیاتی انتخابات کے انعقاد کےفیصلے دینے والے بنچوں کے سربراہ بھی رہے۔