اسلام آباد(نیوز ڈیسک) قوم نے یوم دفاع پاکستان کی 50 سالہ تقریبات کا اس عزم کی تجدید کے ساتھ آغاز کیا کہ ملک کی سلامتی کا ہر قیمت پر تحفظ کیا جائے گا۔6 ستمبر کی صبح وفاقی دارالحکومت اسلام آباد میں 31 توپوں جبکہ صوبائی دارالحکومتوں میں 21 ، 21 توپوں کی سلامی دی گئی۔1965ئ کی جنگ کے شہدائ کو خراج تحسین پیش کرنے کیلئے پوری قوم صبح 9 بجکر 29 منٹ سے 9 بجکر 30 منٹ تک ایک منٹ کی خاموشی اختیار کی گئی۔ملک بھر میں سائرن بجائے گئے، جس پر تمام ٹرینیں اور سڑکوں پر ٹریفک رک گیا، اس کے بعد 9:30 سے 9:32 تک تمام ریڈیو اور ٹی وی چینلز پر قومی ترانہ نشر کیا گیا۔وزیر اعظم نوازشریف نے لاہور میں بیدیاں کے قریب میجر عزیز بھٹی شہید کی جائے شہادت پر حاضری دی۔نواز شریف نے میجر عزیز بھٹی شہید کی یادگار پر پھول چڑھائے اور فاتحہ خوانی کی۔یوم دفاع کی صبح اسلام آباد میں پاک فضائیہ نے فلائی پاسٹ کا شاندار مظاہرہ کیا۔کراچی میں قائد اعظم محمد علی جناح کے مزار اور لاہور قومی شاعر علامہ محمد اقبال کے مزار پر گارڈز کی تبدیلی کی تقریب منقعد ہوئی۔مزار قائد پر گارڈز کی تبدیلی کی پروقار تقریب کا انعقاد کیا گیا، پاکستان ایئر فورس کے کیڈٹس نے مزار قائد پر گارڈز کے فرائض سنبھالے۔پاکستان ایئرفورس اکیڈمی رسالپور کے کیڈٹس نے مزار قائد پر گارڈز کے فرائض سنبھالے۔نیول ہیڈ کوارٹر اسلام آباد میں بھی یوم دفاع کے موقع پر پریڈ کا اہتمام کیا گیا۔پاک بحریہ کے چاق چوبند دستے نے پریڈ میں حصہ لیا، جبکہ تقریب کے مہمان خصوصی کموڈور خالد پرویز تھے۔ملک کے دیگر شہروں کی طرح پشاور میں بھی یوم دفاع قومی جوش و جذبے سے منانے کا اہتمام کیا گیا۔اس حوالے سے شہر بھر میں مختلف تقریبات منعقد کی گئیں۔پاک فوج کے زیر اہتمام کرنل شیر خان اسٹیڈیم میں خصوصی نمائش کا انعقاد کیا گیا، جس میں آرمی کی مختلف یونٹس کی جانب سے اسٹالز لگائے گئے، جن میں عسکری ہتھیار،آلات اوردیگر سامان حرب نمائش کے لیے رکھا گیا، نمائش میں دشمن سے قبضے میں لی گئی اشیائ بھی رکھی گئیں۔مرکزی تقریب راولپنڈی میں جنرل ہیڈ کواٹرز میں منعقد کی جائے گی اور اس مقصد کیلئے جی ایچ کیو اور سی ایم ایچ ہسپتال کے اطراف سڑکیں ٹریفک کیلئے بند رہیں گی۔تقریب میں ا?رمی چیف جنرل راحیل شریف کے علاوہ دوسرے سروسز چیف، سینئر سرکاری عہدے دار اور معززین شامل ہوں گے۔