اسلام آباد(نیوزڈیسک) الیکشن کمیشن کے تین ممبران نے عمران خان کے الزامات کے بعد مستعفی ہونے پررضامندی ظاہرکردی ہے ۔ایک نجی ٹی وی چینل کے مطابق پنجاب ،سندھ اورخیبرپختونخواکے ممبران الیکشن کمیشن نے استعفی دینے پررضامندی کااظہارکیاہے ۔واضح رہے کہ پاکستان تحریک انصاف کے چیرمین عمران خان نے الیکشن کمشن کے ممبران پرالزامات عائد کئے تھے کہ وہ ن لیگ کے ساتھ ہیں جبکہ پیپلزپارٹی نے کہاہے کہ وہ موجودہ الیکشن کمیشن کے ممبران کی موجودگی میں لاہوراورلودھراں میں ہونے والے قومی اسمبلی کے ضمنی انتخابات اورپنجاب میں بلدیاتی انتخابات کابائیکاٹ کرے گی ۔دوبڑی اپوزیشن جماعتوں کے الزامات کے بعد ایک نجی ٹی وی نے دعوی کیاہے کہ الیکشن کمیشن کے تین ممبران نے مستعفی ہونے پررضامندی ظاہرکی ہے ۔جبکہ ذرائع کے مطابق چیف الیکشن کمشنرسرداررضاخان نے الیکشن کمیشن کااہم اجلاس پیرکوطلب کرلیاہے ۔