مکوآنہ (این این آئی )فیصل آباد میں پیاز کی قیمت3سوروپے کلو اور ٹماٹر کی قیمت320روپے کلو تک جاپہنچی ۔ دوہفتہ کے دوران پیاز اور ٹماٹر کی قیمتوں میںہوشرباء اضافہ نے سابقہ تمام ریکارڈ توڑ دیئے۔ تفصیلات کے مطابق فیصل آباد میں دوہفتہ قبل جو پیاز صرف80روپے فی کلو میں فروخت ہورہا تھا وہ اب تین سو روپے میں فروخت ہورہاہے جبکہ ٹماٹر جو ساٹھ روپے کلو میں فروخت کیا جارہا تھااسکی قیمت اسوقت 320روپے کلو تک جاپہنچی ہے جبکہ ان قیمتوںمیں روزانہ کی بنیاد پر مزید اضافہ کیا جارہاہے لیکن ضلعی انتظامیہ کے افسران کے سبزی منڈی کے دورے صرف فوٹو سیشن تک محدود ہوکر رہ گئے ہیں جبکہ غریب عوام اب پیاز اور ٹماٹر خریدنے سے بھی محروم دیکھائی دینے لگے ہیں۔