لاہور( این این آئی) اپنے اغوا کی کوشش ناکام بنانے والی خاتون نے بتایا ہے کہ اغوا کاروں نے گاڑی چلاتے ہوئے 45 سے 60 منٹ تک تشدد کیا۔متاثرہ خاتون نے اپنی کہانی بیان کرتے ہوئے بتایا کہ 18جولائی کو دفتر کی پارکنگ میں 2 لوگ گاڑی میں آگئے

، گاڑی چلتی رہی، اغوا کاروں نے گاڑی چلاتے ہوئے 45 سے60منٹ تک تشدد کیا۔متاثرہ خاتون نے کہا کہ اس دوران میں نے فون کو نیچے پھینک دیاتھا اور لائیو لوکیشن شیئر کر کے شوہرکو کال ملادی تھی۔متاثرہ خاتون نے پولیس کی تفتیش اور رویے پرعدم اطمینان کا اظہار کرتے ہوئے کہا پولیس کی جانب سے اب تک کچھ نہیں کیا گیا۔خاتون نے سوال کیا کیا ہم رزق کمانے کیلئے بھی گھرسے باہرنکلنا چھوڑ دیں؟یاد رہے لاہور میں ڈیفنس کے علاقے میں خاتون دفتر سے ڈرائیونگ سیٹ پر بیٹھی تو ایک اغوا کار پچھلی سیٹ پربیٹھ گیا۔خاتون باہر نکلنے لگی تو دوسرا اغوا ء کار خاتون کو دھکیل کر ڈرائیونگ سیٹ پربیٹھ گیا، اغوا ء کار نے زبردستی خاتون کو دوسری سیٹ پر منتقل کیا تاہم خاتون کچھ دور جاکر اپنی جان بچاکر بھاگنے میں کامیاب ہوگئی تھی۔