اسلام آباد (نیوز ڈیسک)الیکشن کمیشن کی جانب سے ایاز صادق کو بطور ممبر قومی اسمبلی ڈی نوٹیفائی کرنے کے با وجود ایاز صادق قومی اسمبلی کی ویب سائٹ پر بدستور سپیکر کے عہدے پر موجود ہیں۔سردار ایاز صادق کو الیکشن کمیشن کی جانب سے نہ صرف ایم این اے کے طور پر ڈی نوٹیفائی کر دیا ہے بلکہ ان کے حلقہ انتخاب سے قومی اسمبلی کو خالی قرار دے دیا گیا ہے اور اب سپریم کورٹ سے حکم امتناعی کے بغیر ایاز صادق اپنے آپ کو سپیکر قومی اسمبلی نہیں لکھ سکتے لیکن شاید یہ خبر اسمبلی سیکریٹریٹ تک نہیں پہنچ سکی ہے۔ قومی اسمبلی کی ویب سائٹ پر بدستور سردار ایاز صادق کو اسپیکر قومی اسمبلی ہی دکھایا اور لکھا جا رہا ہے۔ اس کے علاوہ تصویری گیلری میں بھی ان کی تصاویر کو بطور سپیکر ہی نمایاں جگہ دی گئی ہے۔