لاہور( این این آئی)ٹیکس دہندگان کی سہولت کیلئے فیڈرل بورڈ آف ریو نیو کے دفاتر 30اور 31 مئی کو رات گئے تک کھلے رہیں گے جبکہ متعلقہ مجاز بینک برانچز بھی کھلی رہیں گی ۔فیڈرل بورڈ آف ریو نیو کے مراسلے کے مطابق ٹیکس دہندگان کی سہولت کیلئے تمام فیلڈ فارمشنز معمول کے مطابق کام کریں گے ،تمام ایل ٹی یوز، آر ٹی اوز،میڈیم ٹیکس پیئر یونٹس، کارپوریٹ ٹیکس آفسز سمیت تمام فیلڈ فارمشنزآج( پیر)30 مئی کو رات آٹھ بجے تک جبکہ 31 مئی کورات دس بجے تک کھلے رہیں گے ۔ مراسلہ میں کہا گیا ہے کہ فیلڈ فارمشنز ٹیکس دہندگان سے ٹیکس وصولیاں کرکے قومی خزانے میں جمع کروائیں گے ۔مراسلہ میں مزید کہا گیا ہے کہ مجاز افسران ٹیکس وصولیاں بروقت قومی خزانے میں جمع کروانے کو یقینی بنانے کیلئے متعلقہ بینک افسران سے بھی رابطے میں رہیں گے ۔