لاہور( این این آئی)پاکستان ریلوے کی جانب سے عید الفطر پر مسافروں کی سہولت کے لئے کراچی سے 2 خصوصی ٹرین چلائی جائیں گی ۔ایک سپیشل ٹرین کراچی سے لاہور اور دوسری کراچی سے پشاور کے لیے روانہ ہوگی۔پہلی ٹرین 29 اپریل کو کراچی سے پشاور کے لئے دوپہر 2 بجکر30منٹ پر کراچی سٹی سے روانہ ہو گی۔ڈویژنل سپرنٹنڈنٹ آفس کے مطابق ٹرین 14 کوچز پر مشتمل اور سب کی سب کانومی کلاس ہیں، ٹرین میں 1000 مسافروں کے بیٹھنے کی گنجائش ہوگی۔دوسری سپیشل ٹرین 30 اپریل کو کراچی سے لاہور کے لئے کراچی کینٹ سے چلے گی۔ مذکورہ ٹرین 2 اے سی بزنس 2 اے سی اسٹینڈرڈ اور 10 اکانومی کلاس بوگیوں پر مشتمل ہو گی ۔