اسلام آباد (نیوز ڈیسک) نیول چیف ایڈمرل ذکاءاللہ نے سیلاب متاثرین کے لئے نیوی کا ایک دن کا راشن عطیہ کرنے کا اعلان کر دیا۔تفصیلات کے مطابق نواب شاہ میں نیول چیف ایڈمرل ذکا اللہ نے ایس ایم بند کا دور ہ کیا اور سیلاب متاثرین کی امدادی کاروائیوں کا جائزہ بھی لیا۔ذرائع کے مطابق نیول چیف نے بند پر پڑنے والے شگاف کی صورتحال کا جائزہ لینے کے دوران سیلاب متاثرین سے ملاقات کی۔نیول چیف ایڈمرل ذکائ اللہ نے کہا کہ پاک بحریہ سیلاب متاثرین کی بھرپور مدد کر رہی ہے،سیلاب زدگان کی امداد کےلئے ہر ممکن تعاون کیاجائے گا۔