اسلام آباد(نیوزڈیسک)کراچی میں اختیارات ملنے کے بعد رینجرز پھر متحرک ہوگئی ،ترجمان رینجرز نے کہاہے کہ رینجرز اہلکاروں نے کراچی کے مختلف علاقوں میں چھاپہ مار کارروائی کرتے ہوئے 11ملزمان کو گرفتا کرلیاہے۔تفصیلات کے مطابق ترجمان رینجرز کا کہناتھا کہ رینجرز نے خفیہ اطلاعات پر کراچی کے علاقے ،شادمان ،موسیٰ کالونی اورفرنٹیئر کالونی میں چھاپہ مار کارروائی کرتے ہوئے 11افراد کو حراست میں لیاہے جن میں بھتہ خور اور اغوا ئکار شامل ہیں۔جن کو نامعلوم مقام پر منتقل کر دیا گیا ہے۔