عیسیٰ خیل(نیوزڈیسک) وزیراعظم نواز شریف کا عیسیٰ خیل کی بحالی کے لیے بیس کروڑ روپے امداد کا اعلان ، کہتے ہیں معاوضے سے انسانی جان کے نقصان کی تلافی نہیں ہو سکتی۔ وزیراعظم نواز شریف نے سیلاب سے متاثرہ علاقے عیسیٰ خیل کا دورہکیا، سیلابی علاقوں کا فضائی جائزہ لینے کے بعد وزیراعظم نے متاثرین سے ملاقات کی اور ان کے مسائل سنے۔ اس موقع پر متاثرین سے خطاب کرتے ہوئے وزیراعظم میاں محمد نواز شریف کا کہنا تھا کہ سیلاب متاثرین کی بحالی کے لیے پوری کوشش کریں گے۔ انھوں نے علاقے کی بحالی کے لیے بیس کروڑ روپے کے پیکج کا بھی اعلان کیا۔ انھوں نے کہا کہ مجھے بتایا گیا کہ ہے اس علاقے کو سیلاب سے محفوظ بنانے کے لیے نالوں کو بہتر بنانا ہوگا جس پر ایک ارب تیس کروڑ روپے لاگت آئے گی جس کے لیے میں نے منصوبہ بندی کا حکم دیا ہے ، انشا اللہ اس علاقے کو محفوظ بنائیں گے ۔ انھوں نے کہا کہ پاک چائنا اقتصادی راہداری بھی اسی علاقے سے گزرے گی جس کی وجہ سے یہ علاقہ مزید ترقی کرے گا۔ وزیراعظم نے طویل دورانیے کی لوڈ شیڈنگ پر واپڈا حکام کی سرزنش بھی کی اور ہدایت کی کہ مستقبل میں ایسے مسائل سے بچنے کی حکمت عملی تیار کی جائی