کراچی (این این آئی)نوبیاہتا پاکستانی اداکارہ اریبہ حبیب کی رْخصتی کی ویڈیو سوشل میڈیا پر وائرل ہو گئی ہے جسے خوب پسند کیا جا رہا ہے۔اریبہ حبیب کی جانب سے اپنی شادی پر ایک نیا ٹرینڈ سیٹ کیا ہے، جہاں آج تک شادی پر گہرے اور ولیمے پر ہلکے رنگ کے ملبوسات کا استعمال کیا جاتا رہا ہے وہیں اریبہ حبیب نے اس روایت کو بدل دیا ہے، اریبہ حبیب نے اپنے نکاح پر لال اور شادی والے

دن ہلکے رنگ کے لباس لائٹ میک اپ کا انتخاب کیا۔اریبہ حبیب شادی کی ہر تقریب کے دوران نہایت حسین اور خوش نظر آ رہی تھیں۔اریبہ حبیب کی شادی کی متعدد تقریبات، مہندی، مایوں، نکاح سے خوبصورت تصویریں اور ویڈیوز وائرل ہونے کے بعد اب رْخصتی کی ویڈیو سوشل میڈیا پر مداحوں کی نگاہ کا مرکز بنی ہوئی ہے۔اریبہ حبیب کی رْخصتی کی ویڈیو میں اْنہیں جذباتی ہوتے ہوئے دیکھا جا سکتا ہے۔