اسلام آباد(نیوزڈیسک)2013ءکے انتخابات میں مبینہ دھاندلی کی تحقیقات کیلئے جوڈیشل کمیشن کی رپورٹ میں تحریک انصاف کے تین الزامات مسترد کردیئے گئے ہیں،جوڈیشل کمیشن نے بدھ کی شام کواپنی رپورٹ حکومت کے سپرد کردی ہے،مسلم لیگ ن کے وکیل شاہدحامد نے جوڈیشل کمیشن کی رپورٹ حکومت کے حوالے کرنے کی تصدیق کرتے ہوئے کہا کہ تحریک انصاف کی جانب سے تین بڑے الزامات مبینہ انتخابی دھاندلی، انتخابات شفاف نہ ہونے اورعوامی مینڈیٹ چوری کرنے کے الزامات مسترد کردیئے ہیں یاد رہے کہ یکم اپریل کو ایک صدارتی آرڈیننس کے تحت انتخابات میں مبینہ دھاندلی کی تحقیقات کیلئے چیف جسٹس سپریم کورٹ جسٹس ناصرالملک کی سربراہی میں عدالتی کمیشن بنایاگیاتھا عدالتی کمیشن نے 85دن تک اس کیس کی سماعت کی ۔تحریک انصاف کی جانب سے پاکستان کے معروف قانونی ماہر عبدالحفیظ پیرزادہ پیش ہوئے پاکستان کی تاریخ میں پہلی مرتبہ کسی انتخابات کی دھاندلی کی تحقیقات کیلئے عدالتی کمیشن بنایا گیاتھاذرائع کے مطابق رپورٹ میں کہاگیا ہے کہ انتخابات شفاف ہوئے تھے اور مینڈیٹ بھی درست ہے یہ معلوم نہیں کہ حکومت رپورٹ کب منظرعام پرلائے گی۔تحریک انصاف کے سربراہ عمران خان جوکہ باقاعدگی سے جوڈیشل کمیشن کی سماعت کے دوران سپریم کورٹ میں حاضری دیتے تھے کہاتھا کہ وہ جوڈیشل کمیشن کے فیصلے کو قبول کرینگے عمران خان نے کمیشن بننے کے بعد کہاتھا کہ کمیشن کابنانا ایک سنجیدہ اقدام ہے یاد رہے کہ تحریک انصاف کے لانگ مارچ اور دھرنے کے بعد حکومت اور تحریک انصاف کی مذاکراتی ٹیموں کے بعد جوڈیشل کمیشن بنایاگیاتھا۔