ملتان(نیوزڈیسک)دریائے چناب کے سیلابی ریلے کے باعث ملتان میں بیٹ کا علاقہ زیرآب آگیا۔ دریائی حدود کےاندر کی فصلیں بھی ڈوب گئیں،تحصیل روجھان کی 8 بستیاں بھی زیرآب آگئیں۔ دریائے چناب میں ملتان کے مقام پر اس وقت ڈیڑھ لاکھ کیوسک کا سیلابی ریلہ گزر رہا ہے۔ محکمہ انہارہیڈ محمد والا، قاسم بیلہ، شجاع آباد، جلال پور پیر والا، خانیوال اور کبیر والا میں پانی کی سطح کی نگرانی کر رہا ہے۔ دریائے سندھ میں راجن پور کے مقام پر پانی کی سطح میں مسلسل اضافےکے باعث مقامی افراد نے نقل مکانی شروع کردی ہے۔ اس وقت تحصیل روجھان کی آٹھ بستیاں اور سینکڑوں ایکڑ پر کھڑی کپاس کی فصل زیر آب آچکی ہے،فلڈ کنٹرول کے مطابق اس وقت دریائے سندھ میں 2 لاکھ 98 ہزار کیوسک پانی گزر رہا ہے