کراچی(نیوزڈیسک)بھارت خود تو پاکستان سے آئے کبوتر پر بھی جاسوسی کے شک کرکے سے گرفتار کرلیتا ہے، لیکن پاکستان میں جاسوس طیارے بھیجنے سے بھی باز نہیں آتا۔ ابھی کل ہی کی بات ہے بھارت میں پاکستانی فضاؤں سے آتا ہوا کبوتر اس بات پر پکڑ لیا گيا تھاکہ یہ جاسوس ہوسکتاہے، لیکن پاکستان نے آج بھارتی ڈرون مار گرایا ہے جس کا جاسوسی کے علاوہ اور کیا مقصد ہوسکتا ہے۔ کچھ عرصہ پہلے کی بات ہے پاکستانی سرحد سے ملحق ایک بھارتی گاؤں میں بھارتی پولیس نے ایک کبوتر پکڑا، اس پر پاکستانی جاسوس ہونے کاالزام ہی نہیں لگایا بلکہ اسے گرفتار کرلیا، اس کے الٹرا ساؤنڈ اور ایکسرے تک کرلیے گئے، بھارتی خفیہ ایجنسیاں اور سیکیورٹی فورسز حرکت میں آگئی، لیکن آج کچھ الگ ہوا، پاکستانی فضاؤں میں پرواز کرتا بھارتی جاسوس طیارہ سیکیورٹی فورسز نے مارگرایا ہے۔ کبوتر تو غلطی سے سرحد پار جابھی سکتاہے، لیکن ڈرون تو بھیجا ہی جاسوسی کے لیے جاتا ہے اور یہ باضابطہ کنٹرولڈ ہوتا ہے، اس معاملے میں تو بھارت یہ جواز بھی نہیں دے سکتا کہ ڈرون غلطی سے پاکستان میں آگیا تھا۔ قومی سیکیورٹی فورسز نے پھر ٹھیک ہی کارروائی کی کبوتر کے بدلے ڈورن تو پھر ایکسرے کے بدلے آپریشن، آپریشن کلین اپ، ڈورن اینڈ۔