اوسلو (نیوزڈیسک) پاکستان اور ناروے کی کمپنیوں کے درمیان 150 میگاواٹ کے شمسی توانائی کے پلانٹس لگانے کا سمجھوتہ طے پا گیا۔ سمجھوتے پر دستخط کرنے کی تقریب اوسلو میں ہوئی۔ وزیراعظم محمد نوازشریف اور ناروے کی وزیراعظم ایرنا سولبرگ نے بھی تقریب میں شرکت کی۔ ناروے کی کے ٹیک سولر کمپنی اور پاکستان کی نظام انرجی کے درمیان پاکستان میں شمسی توانائی کے مشترکہ پلانٹس لگانے کا ایم او یو طے پایا۔ جس کے تحت 150 میگاواٹ بجلی کی پیداوار کے تین سولر پلانٹس لگائے جائیں گے جس کا آغاز 2016ءکی پہلی سہ ماہی میں متوقع ہے۔