اسلام آباد(نیوزڈیسک) سپریم کورٹ نے نیب کی 150میگا کرپشن سکینڈلز کی رپورٹ پر عدم اطمینان کا اظہار کرتے ہوئےپیر تک قومی احتساب بیورو سے جواب طلب کرلیا ہے ۔ جسٹس جوا د ایس خواجہ کہتے ہیں لگتا ہے نیب سب کو بتی کے پیچھے لگا رہی ہے۔ جسٹس جواد ایس خواجہ کی سربراہی میں جسٹس شیخ عظمت سعید اور جسٹس مقبول باقر پر مشتمل تین رکنی بنچ نے نیب میگاکرپشن سکینڈل تحقیقات کےکیس کی سماعت کی۔ دوران سماعت جسٹس جواد ایس خواجہ نے ریمارکس دیے کہ نیب رپورٹ مناسب نہیں ، یہ بتایا جائے کہ شکایت کب موصول ہوئی؟ اس کی تصدیق کب ہوئی ؟جسٹس مقبول باقر نے کہا کہ بادی النظر میں لگتا ہے کہ نیب اب بھی بڑے کیسز چھپا رہا ہے۔