لاہور(این این آئی) صوبائی کابینہ کمیٹی نے مختلف پراجیکٹ پوسٹوں پر کام کرنے والے افسران کے لیے انسینٹو الاؤنس منظور کرلیا۔ ذرائع نے بتایا ہے کہ انسینٹو الاؤنس،کمپنی، پراجیکٹ، اتھارٹیز، پالیسی سیلز اور پالیسی یونٹ میں کام
کرنے والے افسران کو ملے گا۔ ایگزیکٹو الاؤنس لینے والے افسران انسینٹو الاؤنس نہیں لے سکیں گے۔کابینہ کمیٹی برائے خزانہ نے انسینٹو الاؤنس دینے کے لیے مزید کارروائی کے لئے معاملہ محکمہ خزانہ کے سپرد کر دیا ہے۔
