اوسلو(نیوزڈیسک) وزیراعظم نواز شریف ناروے میں تعلیم برائے ترقی سربراہ کانفرنس میں شرکت کریں گے۔ نارویجن ہم منصب اور ولی عہد ہاکون میگنوس سے ملاقاتوں میں باہمی تعاون بڑھانے پر بات چیت ہوگی۔ نواز شریف سے اوسلو میں اقوام متحدہ کے نمائندہ خصوصی اور سابق برطانوی وزیراعظم گورڈن براؤن نے ملاقات کی۔ وزیراعظم کا کہنا تھا کہ اوسلو ویژن پانچ کروڑ اسی لاکھ بچوں کی تعلیم کے لئے سیاسی عزم کا اعادہ ہے۔ واضع رہے کہ نواز شریف ناروے سے روس جائیں گے جہاں وہ شنگھائی تعاون تنظیم کے سربراہ اجلاس میں شرکت کریں گے۔