اسلام آباد(نیوز ڈیسک) وزیراعظم نواز شریف سے اقوام متحدہ میں پاکستان کی مستقل مندوب ڈاکٹر ملیحہ لودھی نے ملاقات کی جس کے دوران مختلف معاملات پر تبادلہ خیال کیا گیا۔نجی ٹی وی کے مطابق وزیراعظم نواز شریف اور ڈاکٹر ملیحہ لودھی کے درمیان ہونے والی ملاقات کے دوران بھارت کی پاکستان میں مداخلت اور اس معاملے اقوام متحدہ سمیت عالمی فورم پر اٹھائے جانے کے حوالے سے تبادلہ خیال کیا گیا جب کہ اس موقع پر وزیراعظم کے رواں سال طے شدہ دورہ امریکا پر بھی بات ہوئی۔ ذرائع کے مطابق ملاقات کے دوران وزیراعظم نواز شریف کے اقوام متحدہ کی جنرل اسمبلی کے اجلاس میں شرکت اور وہاں اپنائے جانے والے موقف پر بھی تفصیلی بات چیت ہوئی۔