اسلام آباد(نیوز ڈیسک)اسلام آباد، راولپنڈی، لاہور اور مری سمیت ملک کے اکثر علاقوں میں زلزلے کے شدید جھٹکے محسوس کئے گئے۔ زلزلے کا مرکز پشاور سے تین سو کلومیٹر دور ہندوکش کے علاقے میں تھا۔
تفصیلات کے مطابق محکمہ موسمیات کیمطابق صبح تین بجکر آٹھ منٹ پر زلزلے کے جھٹکے محسوس کئے گئے۔ ریکٹر اسکیل پر شدت 5.7 ریکارڈ کی گئی۔ زلزلے کا مرکز پشاور سے تین سو کلومیٹر دور ہندوکش کے علاقے میں تھا، گہرائی 190 کلو میٹر تھی۔ لاہور میں زلزلے کی شدت5.2 تھی۔ زلزلے کا مرکز افغان تاجک بارڈر کے علاقے میں تھا۔ آزاد کشمیر کے مختلف شہروں میں بھی زلزلے کے جھٹکے محسوس کئے گئے۔