اسلام آباد(نیوز ڈیسک)ملک کے مختلف شہروں میں بجلی کی بندش پر لوگ سراپا احتجاج ، ملتان میں گرمی کے ستائے شہریوں نے سڑک بلاک کر دی ، فیصل آباد میں مظاہرین بجلی کی لوڈ شیڈنگ پر پھٹ پڑے۔ تفصیلات کے مطابق گرمی کی شدت میں اضافہ ہوتے ہی مختلف شہروں میں لوڈ شیڈنگ بڑھ گئی ہے۔ بجلی کی بندش کے خلاف مختلف شہروں میں گرمی کے ستائے شہری مظاہرے کرنے لگے۔ ملتان میں ممتاز آباد کے مکینوں نے میپکو کے خلاف وہاڑی روڈ پر احتجاج کیا اور سڑک کو ٹریفک کے لیے بلاک کر دیا۔ فیصل آباد کے علاقہ مدن پورہ میں بھی بجلی کی بندش کے خلاف شہری سڑکوں پر نکل آئے۔ فیصل آباد میں مشتعل مظاہرین نے ٹائر جلائے اور شدید نعرے بازی کی۔ منچلے احتجاج کے دوران گدھا بھی ساتھ لے آئے۔ شہریوں کا کہنا ہے کہ شدید گرمی میں طویل لوڈ شیڈنگ نے جینا محال کر دیا ہے۔ ٹنڈو الہ یار میں بجلی کی لوڈشیڈنگ کے خلاف ہڑتال کی گئی ہے۔ تمام مارکیٹیں اور بازار بند ہیں۔ نوشہرہ میں بھی لوڈشیڈنگ کے خلاف مختلف مقامات پر شہریوں نے احتجاج کیا۔ مشتعل مظاہرین نے پبی نوشہرہ روڈ اور مردان پشاور روڈ کو بھی ٹریفک کے لیے بند کر دیا۔ سکھر میں بجلی کی غیر اعلانیہ لوڈ شیڈنگ کے خلاف شہریوں کا کفن پوش احتجاج ، سیپکو حکام کے خلاف نعرے بازی ، دو افراد کفن پہن کر سیپکو کی میتیں بن گئے۔ سکھر کے علاقے سائیٹ ایریا کے مکینوں نے علاقے میں بجلی کی کئی کئی گھنٹے غیر اعلانیہ لوڈ شیڈنگ کے خلاف کفن پہن کر احتجاجی مظاہرہ کیا اور نعرے با زی کی۔ اس موقع پر مظاہرین میں سے دو افراد زمین پر لیٹ کر سیپکو کی علامتی میت بن گئے۔ مظاہرین نے بتایا کہ ان کے علاقے میں اعلانیہ کے ساتھ کئی کئی گھنٹے اس سخت گر می کے موسم میں غیر اعلانیہ لوڈ شیڈنگ بھی کی جا رہی ہے۔ خصوصن رمضان المبارک میں تو چوبیس گھنٹے میں سے چار گھنٹے بھی بمشکل بجلی فراہم کی جا رہی ہے۔
بجلی بندش کیخلاف مختلف شہروں میں احتجاج ، مظاہرے، حکومت مخالف نعرے بازی
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
پیٹرولیم مصنوعات کی قیمتوں میں کمی کا اعلان
-
’’پیٹر تم دس دن کہاں غائب رہے‘‘
-
پنجاب میں گاڑیوں کی نمبر پلیٹس بارےحکومت کا بڑا فیصلہ
-
عیدالاضحیٰ کی تعطیلات؛ بینک کتنے دن بند رہیں گے؟
-
پنجاب میں عیدالاضحیٰ تعطیلات کا اعلان، سرکاری دفاتر بند رہیں گے
-
8سالہ پاکستانی نژاد بچے نے ناسا کی غلطی پکڑلی، ایجنسی کا نشاندہی پر شکریہ
-
سونے کی قیمت میں حیران کن کمی
-
بجلی کے بل پر کیو آر کوڈ کی آڑ میں صارفین کی معلومات چوری ہونے کا خدشہ،پاورڈویژن نے ایڈوائزری جاری...
-
محمد عامر کی شاہین آفریدی کے بارے میں تین سال قبل کی گئی بات سچ ثابت ہوگئی
-
ایرانی پٹرولیم مصنوعات سے پاکستانی ریفائنریوں کو شدیدخطرات
-
ٹرمپ نے بیٹے کی شادی میں شرکت سے انکار کیوں کیا؟ وجہ سامنے آگئی
-
ایران نے امریکہ سے مذاکرات کے لیے وفد کے ناموں کا اعلان کر دیا
-
بجٹ سے پہلے بڑا دباؤ، سرکاری ملازمین کے لیے تنخواہوں میں 100 فیصد اضافہ اور پنشن بحالی کا مطالبہ
-
ایف آئی اے کی کارروائی، آسٹریلیا جاکر ہم جنس سے شادی اور سیاسی پناہ کی کوشش کرنیوالا پاکستانی گرفتار



















































