اسلام آباد(مانیٹرنگ ڈیسک)پی ٹی آئی رہنما جہانگیر ترین نے کہاہے کہ ق لیگ نے جو سیٹیں جیتی ہیں وہ تحریک انصاف سے سیٹ ایڈجسٹمنٹ کے باعث ہی جیتیں ۔نجی ٹی وی سے گفتگو کرتے ہوئے جہانگیر ترین کا کہناتھا کہ جب ق لیگ سے اتحاد ہوا تھا تو اس وقت ایک سیٹ ایڈجسٹمنٹ کی گئی تھی اسی سیٹ ایڈجسٹمنٹ کے باعث ق لیگ نے سیٹیں جیتی ، وہاں پر تین نہیں بلکہ دو امیدواروں کے درمیان
الیکشن ہوا یعنی ن لیگ اور ق لیگ کے درمیان جبکہ پی ٹی آئی نے ق لیگ کو سپورٹ کیا ۔صحافی نے جہانگیر ترین سے سوال کیا کہ کیا وہ اس کو مانتے ہیں کہ ہم نے سیٹ ایڈ جسٹمنٹ کی جس کے باعث انہیں اتنی سیٹیں ملی ہیں ؟جہانگیر ترین نے جواب دیتے ہوئے کہا کہ سیاسی جماعتیں ہمیشہ اپنا وزن زیادہ اور دوسرے کا کم سمجھتی ہیں ، ہم اپنا وزن زیادہ سمجھتے ہیں جبکہ وہ اپنا وزن زیادہ سمجھتے ہیں ۔
