کراچی (آن لائن) پیپلزپارٹی سندھ کے صدر و صوبائی مشیر نثار کھوڑو نے کہا ہے کہ وفاق سے اتحادی نہیں سنبھالے جاتے تو ملک کیا چلائینگے. اب ملک بھر کی عوام تبدیلی اور یوٹرنی حکومت سے نجات چاہتے ہیں۔ملک میں فوری طور پر قبل از وقت انتخابات کرواکر عوام کو جمہوری حکومت منتخب کرنے کا موقع دیا جائے۔ دائود یونیورسٹی کے ساتویں کانووکیشن میں شرکت کے بعد میڈیا سے
گفتگو کرتے ہوئے نثار کھوڑو نے کہا کہ ایم کیو ایم کو عوام کے سامنے جواب دے ہونا پڑے گا۔ کیا وہ صرف وزارتوں کے لئے وفاقی حکومت میں ہیں۔ ایم کیو ایم نے سندھ حکومت میں شامل ہونے سے انکار کردیا ہے۔ہم نے کہا تھا کہ سندھ کے ساتھ وفاقی حکومت کی زیادتیاں ہیں، اس لئے مل کر کام کرنے سے وفاقی حکومت کے گھر جانے کے بعد وہ زیادتیاں درست ہونگی۔ انہوں نے مزید کہا کہ بلدیاتی انتخابات سے قبل کوئی بھی عوام کے ساتھ دھوکہ دہی نہ کرے۔اگرایم کیوایم صرف بلدیاتی انتخابات کے لئے عوام کوبیوقوف بنارہی ہے تو یہ غلط بات ہے۔ ان کا مزید کہنا تھا کہ۔ وفاقی حکومت اور ان کے اتحادیوں میں رفٹ اور ناراضگیاں بڑھ گئی ہیں۔ اب تو وفاق سے اتحادی نہیں سنبھالے جاتے تو ملک کیا چلائینگے. اب ملک بھر کی عوام تبدیلی. اور یوٹرنی حکومت سے نجات چاہتے ہیں۔ سلیکٹیڈ کو جوحکومت میں لائے تھے اب وہ ہی انہیں ہٹاناچاہتے ہیں رہے ہیں کیوں ہٹارہے ہیں ان سے پوچھیں۔ نثار کھوڑو نے کہا کہ مہنگائی نے لوگوں کی کمر توڑ کر رکھی ہے، پیٹرول بجلی گئس سمیت کھانے پینے کی اشیا مہنگی سے مہنگی تر ہو رہی ہیں۔ ملکی معیشت کو درست کرنے کا یہ طریقہ نہیں کہ مہنگائی کی مد میں عوام کی کمر توڑ دی جائے۔
