لاہور (نیوزڈیسک) الیکشن ٹربیونل نے جہانگیر ترین اور نادر لغاری کو پارٹی سے نکالنے کا حکم دیتے ہوئے انہیں دوبارہ پارٹی میں لینے پر بھی پابندی عائد کر دی۔ ٹربیونل نے پرویز خٹک اور علیم خان کی بھی بنیادی رکنیت منسوخ کرتے ہوئے انہیں بھی پارٹی عہدہ دینے پر پابندی عائد کر دی۔ ٹربیونل نے عارف علوی، سیف اللہ نیازی، قاسم خان سوری کو شوکازنوٹس جاری کرتے ہوئے 29 جون کو پیش ہونے کا حکم دے دیا۔ پی ٹی آئی کا دو رکنی ٹربیونل جسٹس ریٹائرڈ وجیہہ الدین کی سربراہی میں قائم کیا گیا تھا۔ ٹربیونل انٹرا پارٹی انتخابات میں بے قاعدگیوں کا جائزہ لے رہا تھا۔ جسٹس وجیہہ الدین کی سربراہی میں الیکشن ٹربیونل نے آج اپنا فیصلہ سنا دیا ہے۔ واضح رہے چیئرمین تحریک انصاف عمران خان ٹریبونل کو تحلیل کر چکے ہیں۔