اسلام آباد(نیوزڈیسک)کوئٹہ کے علاقے پشتون آباد اور محمود آباد میں پولیس کا سرچ آپریشن ، 243 مشتبہ افراد کو حراست میں لے لیا ، اسلحہ برآمد ،پولیس ذرائع کے مطابق پشتوں آباد میں پولیس وین پر دوبار حملوں کے خلاف پولیس نے رات گئے محمود آباد اور پشتون آباد کے مختلف علاقوں میں سرچ آپریشن کیا۔ اس دوران 243 افراد کو حراست میں لے کر مختلف تھانوں میں منتقل کر دیا جن سے ابتدائی تفتیش کی جا رہی ہے ، حراست میں لے گئے افراد سے ، دو 9 ایم ایم پسٹل ، 3 مختلف بور پسٹل ، ایک رائفل ، ایک شارٹ گن اور دوسرا اسلحہ بھی برآمد کیا گیا ہے۔