اسلام آباد(نیوزڈیسک)جیسا گروگے ویسا بھرو گے ،پاکستان نے بھارتی مداخلت کیخلاف لائحہ عمل تیارکرلیا، وزیر دفاع خواجہ آصف نے واضح کیا ہے کہ بھارت کے ساتھ جیسا گروگے ویسا بھرو گے والی پالیسی اپنائیں گے، پاکستان اب چپ نہیں رہے گا ¾بھارت کو کسی بھی مہم جوئی کا سبق سکھا دیں گے۔پارلیمنٹ ہاﺅس کے باہر میڈیا سے گفتگو میں وفاقی وزیر دفاع خواجہ محمد آصف نے کہا کہ پاکستان کی سرحدوں کی خلاف ورزی کی بات کی گئی تو ہم انہیں سبق سکھانا جانتے ہیں، مودی کے بیان نے مذاکرات کا ماحول خراب کر دیا، بھارت کی اشتعال انگیزی برداشت نہیں کریں گے۔وزیر دفاع خواجہ آصف نے کہاکہ معاملے پر وزیراعظم کی بانکی مون سے بات ہوچکی ہے، ہم اس معاملے کو اقوام متحدہ میں لے کر جائیں گے، بھارت کیساتھ جیسا کرو گے ویسا بھرو گے والی پالیسی اپنائیں گے، پاکستان اب چپ نہیں رہےگا، بھارت انتشار پھیلانا بند کرے۔خواجہ آصف نے کہاکہ پاکستان اپنی سالمیت کا بھرپور دفاع کرے گا، ہم چاہتے ہیں کہ دونوں ممالک کے عوام امن و امان سے زندگی گزاریں، پاکستان اپنی سالمیت کا بھرپور دفاع کرےگا۔