اسلام آباد( آن لائن ) وزیراعظم عمران خان نے عالمی برادری کو خبردار کرتے ہوئے کہا ہے کہ بھارتی میڈیا نے جھوٹا دعویٰ کیا ہے کہ افغانستان سے دہشتگرد مقبوضہ وادی اور جنوبی بھارت میں داخل ہوچکے ہیں ، بھارت مقبوضہ کشمیر سے توجہ ہٹانے کیلئے جعلی آپریشنز کرسکتا ہے ۔ ان خیالات کا اظہار عمران خان نے جمعہ کے روز سماجی رابطے کی ویب سائٹ ٹویٹر پرکیا ۔
انہوں نے کہا کہ عالمی برادری کو پاکستان پہلے سے آگاہ کررہا ہے کہ بھارت مقبوضہ کشمیر سے توجہ ہٹانے کیلئے جھوٹا آپریشن کرسکتا ہے کیونکہ بھارتی میڈیا نے جھوٹا دعویٰ کیا ہے کہ افغانستان سے مقبوضہ کشمیر اور جنوبی بھارت میں دہشتگرد داخل ہوگئے ہیں اب بھارت انسانی حقوق کی خلاف ورزی سے توجہ ہٹانے کیلئے جھوٹا آپریشن کریگا اور مقبوضہ وادی سمیت دیگر علاقوں میںنسل کشی کرے گا ۔
