اسلام آباد(نیوزڈیسک) حکومت کی جانب سے پیش کر دہ آئندہ مالی سال 2015-16کے بجٹ میں دفاع کےلئے 780روپے مختص کئے گئے قومی اسمبلی میں بجٹ اجلاس کے دوران اسحاق ڈار نے بتایا کہ دفاع کےلئے 11 فیصد اضافے کے ساتھ 780 ارب روپے مختص کئے گئے ہیں وزیر خزانہ نے بتایا کہ بجٹ میں مالی سال 2015-16 کے کل اخراجات 4,089 ارب روپے رکھے گئے ہیں جو کہ2014-15 کے ریوائز ڈ اسٹیمیٹ کے 3,902ارب روپے سے صرف 4.8 فیصد زیادہ ہیں جوآئندہ سال کے افراطِ زر کے ہدف سے کم ہے۔ اگر حقیقی معنوں میں دیکھا جائے تو حکومتی اخراجات بڑھنے کی بجائے حقیقت میں کم ہوئے ہیں۔ محصولات میں بتدریج اضافہ اور اخراجات میں کمی سے ہماری معیشت سٹیبلائز ہوئی ہے۔انہوںنے بتایا کہ موجودہ اخراجات کا تخمینہ برائے سال 2015-16 ، 3,128 ارب روپے ہے جبکہ 2014-15 کے ریوائزڈ اسٹیمیٹ 3151 ارب روپے ہیں، یعنی ان اخراجات میں کمی ہو رہی ہے۔ تاہم ہم نے سیکیورٹی کی صوتحال کو مد نظررکھتے ہوئے مسلح افواج کی ضروریات کا خیال رکھا ہے اور 2014-15 کے 700 ارب روپے کے دفاعی بجٹ کو اگلے سال بڑھا کر 780 ارب روپے بڑھا دیا ہے جو کہ 11 فیصد کا اضافہ ہے