اسلام آباد (نیوزڈیسک)مالی سال 2015-16ءکے بجٹ میں پی ایس ڈی پی کے تحت ریلویز ڈویژن کے جاری ترقیاتی منصوبوں کےلئے 41 ارب روپے جبکہ نئے ترقیاتی منصوبوں کےلئے 11 ارب43 کروڑ45 لاکھ 76 ہزار روپے مختص کئے گئے ہیں پی ایس ڈی پی کے اعدادوشمار کے مطابق ریلویز کی جاری ترقیاتی سکیموں کےلئے 27 ارب 60 کروڑ44لاکھ 24 ہزار روپے مختص کئے گئے ہیں اور نئے ترقیاتی منصوبوں کےلئے 11 ارب43 کروڑ45 لاکھ 76 ہزار روپے مختص کئے گئے ہیں جبکہ چین پاکستان اقتصادی راہداری کےلئے ایک ارب96 کروڑ10 لاکھ روپے مختص کئے گئے ہیںپی ایس ڈی پی کے تحت ریلویز ڈویژن کے چین پاکستان اقتصادی راہداری منصوبے کےلئے ایک ارب96کروڑ10 لاکھ روپے مختص کئے گئے ہیں۔ گوادر کو کراچی سے منسلک کرنے کےلئے پی سی ٹو منصوبے کی فزیبلٹی کےلئے ایک کروڑ ، حویلیاں میں نئے ڈرائی پورٹ کےلئے زمین کی خریداری کےلئے 30 کروڑ روپے مختص کئے گئے ہیں۔ اسی طرح پورٹ قاسم سے بن قاسم تک ٹریک کی حالت بہتر بنانے اور ڈبلنگ آف ٹریک منصوبے کےلئے ایک ارب 30 کروڑ روپے مختص کئے گئے ہیں۔ مین لائن کی اپ گریڈیشن کےلئے 30 کروڑ مختص کئے گئے ہیں۔