اسلام آباد(نیوز ڈیسک) سانحہ صفورا کی تفتیش میں اہم کامیابی ملی ہے ، ایک اور دہشت گرد کو گرفتار کرکے سانحہ میں استعمال ہونیوالی گاڑی برآمد کرلی گئی۔ تفصیلات کے مطابق سانحہ صفورا کی تفتیش کے دوران اہم کامیابی ملی ہے۔ کاﺅنٹر ٹیررازم ڈیپارٹمنٹ نے سانحہ میں ملوث گرفتار ملزمان کی نشاندہی پر ایک اور دہشت گرد گرفتار کرلیا۔ ملزم اسد الرحمان کے قبضے سے سانحہ صفورا میں استعمال ہونیوالی گاڑی برآمد کرلی گئی ہے۔ ذرائع کے مطابق ملزم نے بس کے اندر فائرنگ کا اعتراف کرلیا۔ سانحہ صفورا کے چار ملزموں میں سعد عزیز ، طاہر حسین ، حافظ ناصر اور اطہر عشرت کو پہلے ہی گرفتار کیا جا چکا ہے جن سے تفتیش جاری ہے۔