اسلام آباد(نیوز ڈیسک)ڈیرہ اسماعیل خان میں ڈی ایس پی ظہور خان کی گاڑی کے قریب ریموٹ کنٹرول بم دھماکے سے بال بال بچ گئے، دھماکے سے محافظ اور گارڈ زخمی ہوگئے۔میڈیا رپورٹس کے مطابق جمعہ کے روز ڈیرہ اسماعیل خان کی تحصیل رتہ کلاچی میں ڈی ایس پی ظہور خان ڈرائیور اور محافظ کے ہمراہ فرائض منصبی ادا کرنے کیلئے جارہے تھے کہ دہشت گردوں نے گرہ مستان کے قریب دھماکہ خیز مواد کو ریموٹ کنٹرول بم سے حملہ کیا جس سے ڈی ایس پی اس حملے میں محفوظ رہے تاہم ان کا محافظ اور ڈرائیور اس حملے میں شدید زخمی ہوگئے جنہیں فوری طور پر سول ہسپتال منتقل کر دیا گیا ہے جہاں دونوں کی حالت تشویشناک بتائی جاتی ہے،ریموٹ کنٹرول حملے میںگاڑی مکمل طور پر تباہ ہوگئی۔واقعہ کے بعد پولیس نے پورے کے علاقے کو گھیرے میں لیکر سرچ آپریشن شروع کر دیا ہے ۔واضح رہے کہ گزشتہ روز ڈی ایس پی ظہور خان نے صوبائی وزیر علی امین کے خلاف رپورٹ جاری کی تھی جس میں ڈی ایس پی نے کہا کہ بلدیاتی الیکشن کے دوران صوبائی وزیر نے دھاندلی ،نشے کی حالت میں پولیس کو دھمکیاں اور ہراساں کیا،یہ رپورٹ آئی جی خیبر پختونخواہ کو بھیجی گئی ۔